Higher!

Halos lahat tayo, familiar sa ganitong scenario. Yung single lady na nakasalo ng boquet na bride, susuutan ng bachelor na nakasalo ng garter na inihagis ng groom. Or ibinigay ng groom. Well, yung pangalawa ang nangyari sa akin kagabi.

Kahapon, ikinasal na ang kaibigan kong si Monra. Para na ring nagkaroon ng mini reunion ng klase namin noong College sa Seminaryo. Sayang nga lang at hindi nakumpleto at nagkulang ng dalawa. Nakakatuwang isipin at napapangiti na lang ako kapag naaalala ko ang mga pangyayari kagabi. Kung dati ay naka-sutana kami, ngayon ay mga naka-barong. Wasak!

Dahil ako ang bunso sa aming klase, ako ang napagkaisahan na bigyan ng garter. Tutalk naman daw, matagal-tagal pa bago ako ikasal. Bilang suporta na rin sa mga kaibigan ko at sa bagong kasal, hindi na ako tumanggi. At ang larawan sa itaas ang ebidensya.

Kaibigan ni Raewyn, asawa ni Monra, ang aking ka-partner. Medyo nakalimutan ko lang ang pangalan (short attention span ni Juan, ugh.). Nakakatuwa lang na tawa- siya ng tawa habang itinataas ko yung garter. Nakikiliti siguro. Haha!

Well, best wishes na lang Monra at Raewyn. Gabayan nawa kayo ng Poong Maykapal sa inyong buhay mag-asawa. Love love love! Padayon!

15 August 30 Permalink

Sumisipang Bigas!

I was browsing the Facebook Page of Red Horse Beer when I saw this one - a photo of a sack of rice apparently by Red horse. Ang sarap sigurong kainin nito. Perfect match sa sisig.

Kung sa bagay, kung totoo mang sumisipa ang bigas na ito, okay na rin. Sa bukid kasi, naranasan ko ng kumain ng tanghalian at hapunan habang nag-iinuman (i.e. sa gitna mismo ng inuman). Ganoon kasi doon. Hindi na uso ang “may I go out” para sa lunch break.

Usap-usapan na magiging 90 pesos ang bawat kaha ng sigarilyo dahil sa ipapataw na buwis. Okay lang sa akin. Hindi naman kasi ako naninigarilyo. Pero suntukan na lang kapag itinaas niyo pa ang presyo ng beer nang dahil sa karagdagang buwis.

Red Horse! Ito ang tama!

10 August 54 Permalink

joesavogue:

Si JuanRepublic noong kabataan niya. (: hoho.

HIndi niya ako stalker. Nagkataon lamang na nakita ko ito sa yearbook ng isang kaibigan. At natuwa ako. hahaha ((: (Nagpaalam na po ako sa kanya bago ko ito i-post.)

Magandang umaga.

Maraming maraming salamat sa iyo Josa sa paghahalungkat ng aking nakaraan. Matagal ko ng hinihintay na i-post mo ito pagkatapos mong ipakita sa akin itong picture na ito sa Boston Cafe. Isa kang alamat! Haha!

Ito po ang una at huli kong grad pic na kinuhanan noong elementary. Hindi po kasi uso sa seminaryo noong High School at College ang grad pic kaya memorable ito. :)

Disclaimer: Nagkamali po ang nag-layout ng aming yearbook. “L” po ang aking middle initial at hindi “C”.

Oo. Ako na ang hindi marunong ngumiti at hindi kaguwapuhan noon. Pero tiyak na mai-in-love ka sa akin kapag nakita mo ako ngayon. Yeah ba! :)

7 August 17 joesavogue Permalink

GPOYW (Gagong Picture of Yourself na Wasak)

Kilala ako noong college bilang “Boy Ku” - Boy Kuripot for short. Ako yung kapag nagbabyahe, palaging walang barya kaya nagpapalibre sa iba. Kapag may gimik, palaging libre. Kapag may inuman, kuwento lang ang sagot.

Hindi naman talaga ako kuripot. Burgis at galante lang talaga ang mga kaklase at mga kaibigan ko. Kaya bago pa man ako bumunot sa aking pitaka, nabayaran na nila. (Wink!)

At ito yung isa sa mga pagkakataon na nag-ambag ako sa inuman.

Bente pesos.

Wasak.

Kinuhanan nila ng litarato for documentation process.

Baka daw hindi na maulit.

I miss you my comrades.

Inuman ulit tayo minsan.

At alalahanin ang masasayang alaala sa Seminaryo ni San Francisco.

30 June 29 Permalink

What’s with the ‘Peace sign’?

Sa tuwing may mga kuhanan ng litrato, palagi na lang naka-‘peace sign’ ang mga kamay ko. O para mas cute, ‘ja-paan’ sign. Unconsciously ko itong naitataas. Lalo na kapag may amats na ako.

Siguro ay nahawa na ako sa mga pinsan ko. O doon sa kikay kong kapatid. O doon sa mga Kawaii girls na napapanood ko sa mga art film. Mas okay naman sa ang ‘ja-paan sign’ o ‘peace sign’. Wala namang masama. Bad example naman kung palagi akong naka-‘himpa-pakyu’ sa mga pictures.

Hindi nga pala ako lasing diyan. Mataas ang tolerance ko kahit ilang tore na ang pinataob namin. Nag-blush lang ako dahil cute si Ate Waitress na kumukuha ng picture.

Ang mga kasama ko sa larawan ay ang aking mga dating comrades.

27 June 10 Permalink